Online Railway Booking Kaise Kare – Step By Step | ऑनलाइन रेलवे बुकिंग कैसे करे


Online Railway Booking Kaise Kare | ऑनलाइन रेलवे बुकिंग कैसे करे
Online Railway Booking Kaise Kare

Online Railway Booking Kaise Kare

Online reservation karne ke liye zaroori hai ki apke kisi bank account mein net banking ki suvidha ho. Ya apke paas atm card/debit card/ credit card ho jiske jariye aap ticket ka paisa online hi jama kar saken. Iskay saath hi aap par mobile ho jisse apka ticket banne par app par ticket ka message aayega jise dikha kar tatha apna koi bhi parichay patra dikhakar aap rail mein yatra kar sakte hain. To chaliye jane Online Railway Booking Kaise Kare – Step By Step Guide.
Dosto aaj kal safar karna utna bhi mushkil nahi raha jitna pahle hua karta thha. Kyuki aaj kal suvidhaye bahut zada badh chuki hain. Pahle ke jamane main safar karne se zada mushkil kaam hota thha ticket book karna. Agar baat purane jamane ki kare toh pahle agar ticket mil jaye toh logo ki adhi pareshani solve ho jati thhi yane ki ticket mill jane par unhe lagta thha ki unn logo ne apna adha safar complete kar liya hain. Lejin aaj ayesa kuchh bhi nahi hain.
Aaj humare desh ne itni unnati kar li hain ki aaj safar karna aur ticket booking karna dono bahut zada asan ho chuka hain. Balki aaj kal toh ticket ko book karne ke liye hume ghar se bahar jane ki bhi zarurat nahi padti kyuki online ek ayesi cheez hain jiske dwara hum mushkil se mushkil kaam bhi ghar baithe aur badi asani se kar sakte hain. Thik ussi tarah se hum ghar baithe hi Railway ticket, bus ticket, air ticket ki booking badi asani se ho jati hain. Lekin ghar baithe ticket ko book karne ke liye humara yeh jan lena bahut zada zaruri hain ki online ticket ko book karne ke liye hume kya karna chahiye.

Step 1

Sabse pehle Indian railway ki online reservation website http://www.irctc.co.in/ ko open karen.

Step 2

Yadi aap ismay registered hain aur apka account hai to apni User ID aur password dalkar apna account open karen. Yadi app registered nahin hain to sabse pehle is website mein registered hone ke liye sign up par click karen. Ek easy form aayega jise bharkar app registered ho jaayenge aur apko User ID aur password  mil jaayenge jiske dwara aap apne indian railway ke account mein jaa sakenge.

Step 3

User Id aur Password se login karne ke baad website ka naya page khulega jisme baye haath ki taraf  box honge.
Pehla box From Station ke paas hoga. Uske andar us station ka naam likhen jahan se aap yatra karne jaa rahe hain.
Doosra box To Station  ke pass hoga. Uske andar us station ka naam likhen jahan tak aap yatra karna chahte hai.
Teesre box Jorney Date ke paas hoga jiske paas ek calendar sa bana hoga. Us par click karte hi calendar aa jayega. Usmein se mouse ke dwara aap apni journey date ka chunav karen.
Iskay baad ke box ke pass ticket type likha hoga jisme se apko E-ticket ya I- ticket mein s ek ka chunav karna hoga. E-ticket lene par apko ticket aapki email id par aur I-ticket lene par apko ticket postal address par bheja jayega. Apko E-ticket ka chunav karna chahiye jisse turant hi ticket prapt ho sake.
Ab captch bharkar Submit wale button par click karen.

Step 4

Submit button par click karte hi apke saame trains ki list aa jaayegi. Ab aap jis train se jaana chahte hain usay dekhen aur jis coach se jaana chahte hain us tarin ke samane us coach par click kar den. Maan lijiye aap tamil nadu express mein sleeper coach se jaana chahte hain to uske saame  likhe SL par click kar den.

Step 5

Apke click karte hi ek page khulega jiske upar us train ki us din ke liye seat availability likhi hogi. Agar us din us train mein jagah hai to neech likha hoga Book Now. Aap us par click kar dijiye.

Step 6

Book Now par click karte hi Ek from aayega jisme box bane honge jisme apo yatra kar rahe yatriyon ka vivran dena hoga. Maan lijiye keval aap hi yatra kar rahe hain to Name ke niche bane box ke andar apna naam likhe.
Phir Age ke niche bane box ke andar apni umr likhen.
Phir Gender ke niche bane box mein apna gender chune jo male ya female hoga.
 Iske baad Birth preference ke niche bane box par click kar aap apni pasand ki birth chun sakte hain.
Iske baad yadi aap senior citizen hain to app Senior Citizen ke niche bane box par nishan laga sakta hai. Lekin yatra ke dauran apko apni umr ka original praman patra dikhana hoga.
 Ab form mein niche ke aur yadi koi 5 varsh tak ka baccha apke saath ja raha hai to uska vivran likhe. Uski alag se ticket nahin banegi.
Ab captch bharen aur Mobile Number wale box mein apna mobile number bharkar Next par click kar den.

Step 7

Next par click karne ke baad ticket ke paison ke payment ke liye ek naya page khulega jis mein se apko payment ka tarika yani credi/debit cad se payment ya net banking se payment karne ka chunav karne ke liye kaha jaayega. Aap jis bhi tarike se payment karna chahte hain us par click kar dijiye. Apni bank ke mange gaye details dijiye. Ek baar payment ho jaane ke baad apka reservation ka ticket email aur sms ke dwara apke pass aa jayega.

Online ticket booking in Detail

Dosto agar aap logo ko online apni railway ticket ki booking karni hain toh sabse pahle aapko railway ticket ki website par apna account banana hoga. Agar aapka account railway ticket ki website par hoga tabhi aap uss website ke andar enter kar payenge aur jab aap uss website ke andar enter karenge tabhi aap apni requirement ke hisaab se ticket book kar payenge aur sath sath aap yeh bhi check kar payenge ki aapko jo ticket chahiye woh ticket available hain ya nahi hain.
Dosto account banane ke tariko ke bare main baat karne se pahle hum aapko yeh batade ki jis website par jakar railway ticket ki booking hoti hain uss website ka naam IRCTC hain. Toh iss website par apna account banane ke liye aapko aapko sabse pahle apne browser main jakar IRCTC.in type karna hoga. Jaise hi aap isko type karenge wese aapke samne ek page khulega. Khule hue page par bahut sari cheeze likhi hongi magar kyu ki aapko account banana hain isiliye aapko sign up par click karna hain.
Sign up karne ke baad aapko apni iccha ke hisaab se koi word likhne hain. Yaad rakhiye friends yaha par aap jo bhi word likhenge wahi word aapka user id hoga aur jab bhi aap ticket booking karna chahenge tab issi user id koi type karke aapko website main enter karna hoga aur website ke andar enter karne ke baad hi ticket ki booking kar payenge.
Ab aapko no 2 par click karke apne user id ki availability ko check karna hoga. Agar aapne jo user id type kiya hain woh user id already kisi aur ka user id hoga toh red colour aa jayega tab aapko ek naya user id daalna hoga, aur yeh naya user id kisi aur ka user id nahi hoga toh green colour aa jayega.
No 3 main aap ek security question daal de. Jab aap apna password bhul jayenge tab yeh security question hi aapki help karega.
No 4 main aapko uss question ka answer daalna hoga.
Uske baad aap apna name, mobile number, email id, state, country, district, pin etc. Daal de.
Uske baad aapko adhar card ke liye puchha jayega. Lekin aap yeh daal bhi sakte hain aur nahi bhi.
Ab aap agar yes ke upar click karenge toh iska matlab yeh hain ki aap apna office aur ghar ka address same hi rakhna chahte hain aur agar aap no par click karenge toh iska matlab yeh hain ki aap apne ghar aur office ka address alag alag rakhna chahte ho.
Ab no 7 par aapko bas tick mark karte jana hain. Iska matlab yeh hain ki aap koi special information nahi dena chahte.
Ab aapko submit par click karke submit kar dena hain.
Ab aapko ok par click karna hain, click karne ke baad aapko terms& conditions dikhayi dega. Iske baad aapko accept par click kar dena hain.
Ab aapke samne kuchh likha hua ayega. Iska matlab aapne apna naam iss side par ragister kar liya hain.
Registration complete ho jane ke baad aapko verify karna hoga. Uske baad aap kabhi bhi apna username aur id ka use karke uss side par login kar sakte hain aur apna ticket booking kar sakte hain.
Aaj ke humare iss lekh main humne aap logo ko yeh bataya ki online Railway ticket booking karne ke liye hume kya karna chahiye. Toh end main hum aap logo ko bas ek hi salah denge ki aap log bas humare iss lekh ko dhyan se padhiye aur inn tricks ko follow kariye. Ummid karte hain inn tricks ko follow karke aap log online Railway ticket booking karne main zarur safal ho jayenge.
Previous
Next Post »
Thanks for your comment