Valentines Day Kaise Manaye | 14 Feb Special Banaye | वॅलिंटाइन्स डे कैसे मनाये


Dunia main bahut sare rishte bane hote hain aur hum sab log apni life main bahut sare rishte ko jite hain, bahut sare rishto ko hum apni life main face karte hain. Ayesa hi ek rishta hain premika aur premi ka rishta hain. Hala ki kuchh logo ki iss rishte ko lekar kuchh galat mansiktaye hoti hain magar yeh rishta utna bhi galat nahi hain jitna log iss rishte ke bare main sonchte hain. Kuchh log pyar ko ghatiapan aur awaragiri samajhte hain lekin pyar ka rishta galat bilkul bhi nahi hota. Pyar toh bhagwan ko aur ek roop hota hain, toh fir kaise galat hua pyar ka rishta ? Lekin ha agar pyar ka rishta ho toh uss rishte main sacchai zarur honi chahiye warna woh pyar pyar nahi hota. Aaj ka humara topic hain ” valentine day kaise manaye “.

Valentines Day Kaise Manaye – वॅलिंटाइन्स डे 14 February

Every year February mahine ke 14 tarikh ko yeh valentine day aata hain. Iss din premi apni valentine yane ki apni premika ko gift, suprise party, booky etc. Dekar unko khush karte hain, sath sath premi apni valentine yane ki apni premika ko yeh bhi ehsaas dilate hain ki woh apni premika se kitna pyar karte hain. Sirf premi hi nahi balki premikaye bhi apne valentine yane ki apne premi ke liye yeh sab kuchh karti hain aur apne premi ko “I love you”, “Main tumse bahut pyar karti hoon” yeh sab bolkar apne premi ko apne pyar ka ehsaas dilati hain.
Aaj hum apne iss lekh ke jadiye aap logo ko yeh batayenge ki hum valentine day kaise mana sakte hain. Aap log bhi agar kisi se pyar karte hain aur iss valentine day ke din apne valentine ko surprise karna chahte hain aur apne iss valentine day ko special banana chahte hain toh aap log humare iss lekh ko aur iss lekh main diye gaye kuchh tricks ko dhyan se padhiye aur apne valentine ke sath iss aane wale valentine day ko aur bhi special bana lijiye.
Valentines Day har varsh 14 February ko manaya jaata hain. Yeh din premiyon ko apna pyar izhaar karne ka mauka deta hain. Duniya mein kai log is din par kuch khaas kar ke manate hain. Aaiye jaane ki Valentines Day Kaise Manaye taki yeh aapke liye aur khaas ho jaaye.

Valentine day manane ke kuchh tricks

Gulaab ke phool ke saath vyakt Kare

Valentine’s day par lal gulaabon ke guldaste se accha koi aur gift ho hi nahin sakta. Kyunki isse zyada sahi tarika nahi hain aapke pyaar ko vyakt karne ka. Gulaab ke phool anyon rangon mein aate hain par unka matlab alag hota hain. Gulaabi rang aadar darshata hain, kesariya umang tatha peele gulaab dosti ke sanket hote hain. Lal gulaab khubsoorti evam prem vyakt karte hain. Paramparik taur par lal gulaab jode ek doosre ko dete hain apni bhaavnayen ek doosre ke prati vyakt karne ke liye.

Purani yaadein taaza Kare

Jab aap apne rishtey ki shuruaat karte hain to amuman aap ka vyavhaar sabse accha hota hain evam aap apne saathi se prempurvak pesh aate hain. Valentine’s day ko aap isi din ko yaad karke bhi mana sakte hain. Aap dobara usi tarah apne saathi se pesh aayen tatha apni pehli mulakat ko yaad Karen. Khaas kar mahilaaon ko yeh bahut pasand aata hain ki unke purush saathi itni baariki se puraani baatein yaad rakhte hain.

Prempurvak din bitaye

Valentine’s Day ko khaas banana ke liye poora din apne saathi ke saath bitane ka yojna banaye. Is ek din ke liye apne office meetings tatha phone calls se door rahen taaki aapke saathi ke saath aap zyada se zyada wakt bita saken.  Agar aap ghar par bhi rahen to kisi teesre ko apne beech na bulaayen.

Kuch mithaa dein

Valentine’s Day aur bhi khaas ho jata hain agar aap apne saathi ko kuch mithaa dete hain khaas kar ke chocolates. Chocolates kai aakar mein aate hain. Iss din apne saathi ko aap dil ke aakar ke chocolates dekar aur yaadgar banaye.

Sabse acche kapde pehne

Valentine’s day ko aur vishesh banana ke liye aap sabse acche kapde evam shringaar karen. Mahilaaon ko swyam sajna sanwarna to pasand hain hi parantu agar unke purush saathi bhi apne kapdon par dhyaan dein to bahut prabhavit hoti hain. Na sirf acche kapde balki apne joote evam itar bhi acche se accha prayog Karen.  Ek doosre se salaah kar bhi aap apne kapde chun sakte hain agar aap ek hi tarah ka rang pehanna chahte hain.

Apne haathon se card banaye

Agar aap apne saathi ke liye apne haathon se card banakar dein to iski mehetveta badal jaayegi. Apne shabdon mein apne saathi ke liye prem vyakt Karen is card mein. Agar aap likhne ke shaukeen hain to koi chhoti si kavita likhen unke liye.

Pyaar bhare pal bitayen apne saathi ke saath

Apne saathi ke liye samay nikale tatha unhe pyaar bhare palon se yaadgaar bana dein. Sabse aasan tarika apne saathi ke saath samay bitana ka hain ki aap unhe apne dincharya mein shaamil kar lein. Is dauraan anya cheezon ko pare rakh dein jaise internet ya phone par doston ke saath chatting karna.

Apne sapnon ki saathi ko prastaav dein

Valentine’s Day se behtar koi din nahin ho sakta apne saathi ko prastaav dene ke liye. Agar aap donon vivah karne ke liye taiyaar hain to iss din ko khaas banaye unhe shaadi ke kiye prastav dekar. Aap unhe lal gulaab ya angoothi dekar is din par prastav dein sakte hain.

Ek doosre ke pasand ka dhyaan rakhen

Valentine’s Day ko khaas banane ke liye aaj aap apne saathi ke pasand ka kaam kar unke saath wakt bitayein. Agar unhe cinema dekhna pasand hain to unki pasand ki movie ya to ghar par ekaant mein dikhayen ya cinema hall le jaayen. Agar purush saathi ko khel se khaas lagaav hain to unki khushi ke liye iss din aap unke saath match dekhein.

Purush saathi swayam khana banaye

Bharat mein valentine’s day ko manane ka sabse khaas tarika hota hain ki purush saathi swayam apne haaton se apni mahilaa saathi ko achambhit Karen. Agar yeh khana unki pasand ka ho to sone pe suhaaga.

Apne partner ko ek accha sa surprise party de

Valentine day ko manane ka sabse accha tarika hain apne partner ko ek surprise party de. Ayesa karne se aapka partner aapse bahut zada khush hoga. Achanak jab aap apni girlfriend ya apne boyfriend ko iss surprise party main lekar ayenge aur apne partner ki close ki hui eyes ko aap apne hatho se kholenge aur jab aapke partner ki aapke dwara arrange ki gayi party ke upar padegi toh woh pal dekhne layak hoga aur aap dono uss anokhe pal ko puri zindagi nahi bhul payenge.

Long drive ke liye jaye

Wese toh log valentine day ke din apne partner ke sath party karte hain aur khana khate hain lekin valentine day ke din apne partner ko lekar long drive ke liye jana bhi ek anokha hi anubhav hota hain. Jab aap apne partner ke sath ek long drive ke liye jayenge toh aap dono ko ek dusre ke sath kafi samay mil jayega aur tab aap dono ka valentine day aur bhi jada special ho jayega.
Upar diye gaye lekh ko padhkar aap logo ko yeh acchi tarah se samajh main aa gaya hoga ki hum apne iss valentine day ko special banane ke liye kya kya alag kar sakte hain. Toh deri kaisi, aap log bas humare iss lekh ko dhyan se padhiye aur iss lekh main diye gaye tricks ko follow karke apne valentine day ko aur bhi jada special bana lijiye.
Previous
Next Post »
Thanks for your comment